Latina
Gratias Tibi ago, Deus meus, pro beneficiis huius diei.
Illumina me, Spiritus Sancte, ut peccata mea cognoscam.
Deus meus, ex toto corde paenitet me omnium meorum peccatorum, eaque detestor, quia peccando non solum poenas a Te iuste statutas promeritus sum, sed praesertim quia offendi Te, summum bonum ac dignum qui super omnia diligaris. Ideo firmiter propono, adiuvante gratia Tua, de cetero non peccare et proximas peccandi occasiones fugere. Amen.
In manus tuas, Domine, commendo spiritum meum.
Visita, quaesumus, Domine, habitationem istam, et omnes insidias inimici ab ea longe repelle; Angeli tui sancti habitent in ea, qui nos in pace custodiant; et benedictio tua sit super nos semper. Per Christum Dominum nostrum. Amen.